المقالات والمواضيع والآراء والتعليقات تعبر عن رأي كاتبها فقط ولا تعبر عن رأي الموقع

الرئيسية » اغاني كلاسيكية

اغاني كلاسيكية

نجاة الصغيرة - القريب منك بعيد

 

القريب منك بعيد، والبعيد عنك قريب

كل ده و قلبي اللي حبَّك، لسه بيسميك حبيب.

حبيب عينيّا، حبيب أحلامي، حبيب دموعي والم أيامى

أهون عليك أسهر بألامي وتِتوه نجوم الليل في ظلامي

أهون عليك أسهر بألامي وتِتوه نجوم الليل في ظلامي

يا رايح للي فايتلي عيوني سهرانة ولا داري

أمانة اوصف له دمع عيوني طول ليلي ونهاري

آه مِنّي، آه منك

كل ده وقلبي اللي حبَّك، لسه بيسميك حبيب

 

فاكر ولا ناسي، ياما كنت بآسِي

حتى مع الأيام الحلوة وقت ما كنت باقابلك فيها

كانت الفرحة معاك توحشني قبل ما ييجي معاد لياليها

كنت لسه فى الحب لسه بتعلم جديد

ما كنتش اعرف إن القريب منك بعيد

يا رايح للي فايتلي عيوني سهرانة ولا داري

أمانة اوصف له دمع عيوني طول ليلي ونهاري

آه مِنّي آه منك

كل ده وقلبي اللي حبَّك لسه بيسميك حبيب

 

ياللي آمَّر من بُعدك لقاك، ياللي آمَّر من هجرك رضاك

يا غربتي وانت بعيد عني يا غربتي وانت قريب مني

يا حب أقول له ايه! يا حب اسامحه ليه!

دا العذاب هو الي يسامحه، والسهر هو اللى يسامحه

والدموع هى اللى تسامحه

يا رايح للي فايتلي عيوني سهرانة ولا داري

أمانة اوصف له دمع عيوني طول ليلي ونهاري

آه مِنّي آه منك

كل ده وقلبي اللي حبَّك لسه بيسميك حبيب

جميع الحقوق محفوظة © 2020. إدلل
اخر تعديل 28/05/2020
انت الزائر رقم